Shfrytëzoj rastin që në emrin tim personal dhe në emër të stafit të Universitetit të Shkencave Mjekësore “Rezonanca” t’ju falënderohem për interesimin tuaj për këtë Universitet.

Mirë se vini në institucionin tonë.

Me licencimin e Universitetit të Shkencave Mjekësore “Rezonanca”, Ministria e Arsimit, Shkencës dhe Teknologjisë mundësoi pasurimin e sistemit të tanishëm arsimor nga lëmenjtë e shkencave mjekësore, duke paraqitur kështu koncepte krejtësisht të reja të arsimimit mjekësor të shekullit XXI.

Si Universitet do të bëjmë të gjitha përpjekjet, që nëpërmjet bashkëpunimit me universitetet nacionale dhe ndërkombëtare, të arrijmë reputacionin e nevojshëm si Universiteti i parë privat mjekësor, i cili do të vazhdojë të ofrojë, të promovojë dhe të zhvillojë programe dhe shërbime kualitative, sipas standardeve ndërkombëtare.

Në një periudhë prej vetëm një viti veprimtarie Universiteti ynë po dëshmohet si qendër e rëndësishme e arsimimit mjekësor në Kosovë. Aktivitetet në këtë Institucion përfshijnë aktivitetet arsimore në nivelin e profesioneve mjekësore, si në: lëmin e mjekësisë, stomatologjisë, farmacisë, fizioterapisë dhe radiologjisë diagnostike. Jemi krenar për faktin se në Universitet zbatojmë programe mjekësore të reformuara dhe të përshtatura nevojave të kujdesit mjekësor dhe zhvillimit më të mirë profesional. Programet që implementojmë përmbajnë bërthamën e disiplinave themelore, me komponentë të zhvillimit personal dhe profesional, me qëllim të ngritjes së aftësive të caktuara, siç janë komunikimi dhe metodat shkencore. Këto programe, po ashtu, ofrojnë mundësinë e trajnimit dhe të informimit për rolin social dhe profesional të një punëtori shëndetësor modern. Struktura tematike e këtij programi mundëson të kuptuarit gjithëpërfshirës dhe plotësues të shkencave mjekësore, dhe në të njëjtën kohë mundëson edhe vlerësimin e natyrës integruese të lëmenjve mjekësorë në përgjithësi. Kjo bën që Universiteti të jetë i kërkuar nga shumë studentë. Në vijim do të përshkruaj informatat që pasqyrojnë studentin që kërkohet dhe që është i përshtatshëm për studime në lëmenjtë e shkencave mjekësore. Që një person të jetë punëtor i mirë shëndetësor nuk mjafton që ai të jetë vetëm i talentuar sa i përket diturive akademike. Të qenit punëtor shëndetësor donë të thotë më shumë sesa arritja e njohurive dhe aftësive për kujdesie mjekësore. Ai duhet të disponojë edhe me kualitete personale, siç janë përgjegjësia, njohuria sociale dhe mbështetja e bashkëpunimit ndërnjerëzor.

Është qenësore që studentët të jenë të aftë për të përmbushur standardet e aprovuara, të jenë studentë dhe profesionistë efikas. Dëshirojmë që me kompetencë të konfirmojmë se studentët e diplomuar janë të aftë për të ushtruar veprimtarinë sipas standardeve më të larta të praktikës profesionale mjekësore të aprovuara në nivel nacional dhe internacional.

Për këtë arsye Universiteti do të zgjedh studentët për të cilët beson se do të disponojnë dhe do të demonstrojnë aftësi dhe sjellje adekuate që nga fillimi i studimeve.

Ju dëshiroj që në procesin e seleksionimit të dëshmoni se ju dispononi me kualitetet e kërkuara.

Rektori

Mr. Sc. Ramadan Idrizaj

Informata të përgjithshme

Meqë cilësia e shërbimeve shëndetësore ndaj pacientëve varet rrënjësisht nga kualifikimi i personelit mjekësor, për të siguruar mundësinë që të kemi personel sa më të kualifikuar që është e mundur, dhe bazuar në nevojat e shërbimit tonë shëndetësor për tani dhe për të ardhmen, u përcaktuam për iniciativën e hapjes së Universitetit të Shkencave Mjekësore sipas standardeve të qarta, me qëllim të krijimit të një mjedisi cilësor, i cili siguron që arsimimi dhe kualifikimi të përputhet me këto standarde.

Universiteti i Shkencave Mjekësore “Rezonanca” (USHMR) është themeluar më 19.10.2004. Është i licencuar nga Ministria e Arsimit, Shkencës dhe Teknologjisë për vitet akademike 2004 – 2009.

Në vete Universiteti ka pesë fakultete:

§          Fakultetin e Mjekësisë

§          Fakultetin e Stomatologjisë

§          Fakultetin e Farmacisë

§          Fakultetin e Fizioterapisë, dhe

§          Drejtimi i mjekësisë Sanitare*

*Drejtimi i Mjekësisë Sanitare është para licencimit

Universiteti gjithsej ka 212 studentë, që paraqesin gjeneratën e parë të studentëve, të regjistruar në vitin akademik 2005/2006.!!!!

Mësimdhënia, mësimi dhe vlerësimi

§          Metodat mësimore tregojnë lëvizje drejtë integrimit të plotë dhe koordinimit të mësimit

§          Sigurohet diapazon i gjerë i metodave të mësimdhënies të cilat i inkurajojnë studentët për të marrë, në mënyrë progresive, më shumë përgjegjësi për mësimin e tyre përgjatë gjithë kursit, ofrojnë mësim të cilësisë së lartë dhe ofrojnë një diapazon të gjerë të mundësive të mësimit.

§          Studentët kanë objektiva qartë të përkufizuara për arritjen e njohurive, shkathtësive dhe të qëndrimeve, përgjatë kurseve të tyre. §          Gjatë përparimit nëpër kurs, shfrytëzohet një lloj-llojshmëri e metodave mësimdhënëse me një bartje prej mësimdhënies didaktike drejt mësimit të vetë-drejtuar dhe mësimit nga përvoja.   

Metodat e vlerësimit

§          Parimet tona të vlerësimit, metodat dhe praktikat janë të bazuara në objektivat edukative dhe promovojnë mësimin;

§          Për testimin e fitimit të njohurive, të shkathtësive dhe të objektivave të qëndrimeve sigurohet diapazon i gjerë i vlerësimeve formative dhe sumative.

§          Ofrohen informata të hollësishme për orarin e provimeve, përmbajtjen dhe stilin e provimeve

§          Ofrohen informata për personelin dhe për studentët mbi skemat e notimit dhe kriteret për vlerësim duke përfshirë përshkruesit e standardeve të pritura ashtu si ndërlidhen me shkallën e klasifikimit

§          Sigurohet mekanizmi i informatave kthyese mbi punën e studentëve, i raporteve të përgjithshme mbi punën e klasës dhe i informatave kthyese për cilindo student, i cili dështon apo e kërkon atë.  Me futjen e Regjistrave Personale Akademike (Personal Academic Records), informimi kthyes individual për studentë formalizohet në një shkallë edhe më të lartë

§          Strategjia jonë e vlerësimit i nënshtrohet rishqyrtimit të vazhdueshëm.

§        Struktura e kurseve të zhvilluara funksionalizohet në këtë proces.

§          sigurohet kontributi i ekzaminuesve të jashtëm në të gjitha aspektet e procesit të vlerësimit ‘

Metodat e vlerësimit:

§          provim me gojë,

§          testim i shkathtësive psikomotorike,

§          teste të bazuara në pyetje me përgjigje të shkurtëra,

§          teste me pyetje me më shumë përgjigje,

§          shkrimi i raporteve,

§          shkrimi i projekteve,

§          shkrimi i eseve,

§          prezentimi në grupe të vogla për testimin e shkathtësive të komunikimit,

§          ushtrime kompjuterike, matematikore dhe deduktive,

§          EKOS me skenare klinike të shkurtëra dhe të gjata (OSCE and OSLER);

§          plotësimi i ditarit të punës në stazhin klinik të ushtrimeve praktike

Përkrahja dhe udhëzimi i studentëve

§          Sigurohet mekanizmi i tutorimit dhe mentorimit për cdo student

§          Tutorët kanë përgjegjësi, në radhë të parë, për studentët e vitit 1 – 3, ndërsa Mentorët kanë përgjegjësi për studentët e vitit 3-5

§          Informimi kthyes i studentëve lidhur me sistemin e tutorit personal bëhet nëpërmjet pyetësorëve

§          Tutorët janë përgjegjës për identifikimin e problemeve të natyrës akademike me të cilat ballafaqohen studentët, tutor i të cilëve është ai/ajo dhe i drejtojnë studentët te koordinatorët e kurseve 

§          Informimi i studentëve sigurohet nëpërmjet doracakëve dhe informatave të azhurnuara në Intranetin e Universitetit

§          Progresi akademik i studentëve monitorohet vazhdimisht, me qëllim të identifikimit të studentëve me probleme dhe të ofrimit të mbështetjes së nevojshme

§          Lidhur me zhvillimin personal dhe profesional studentët plotësojnë librin e punës

§          Kjo diskutohet me tutorët gjatë sesionit të paraparë me orar, që ka për synim të inkurajojë praktikën reflektuese

§          Studentëve iu mundësohet shfrytëzimi i plotë i resurseve mësimore dhe teknologjisë informative në dispozicion

§          Studentëve iu sigurohet uniforma për punë praktike

§          Vizitat e punës jashtë vendit

§          Shpërblimi i studentit më të mirë me regjistrim të vitit të ri akademik fiton  BURSË

Resurset mësimore

§          Universiteti ofron objekte dhe akomodim të përshatshëm e të shëndoshë, me siguri të plotë, që do të mundësojnë një proces mësimor të cilësisë së lartë dhe jetë të pasur e konstruktive jashtë programore

§          Objektet i plotësojnë të gjitha kushtet e sigurisë nga zjarri, kanë të siguruar daljen në raste emergjente dhe i plotësojnë të gjitha kushtet higjieniko-sanitare

§          Ofron qasje në një mori burimesh të informimit, përfshirë edhe një spektër të bazave të të dhënave në formë elektronike, në CD‑ROM apo në faqet e internetit  si dhe Biblotekat Elektronike

§          Biblioteka e Universitetit vazhdimisht do të ketë në funksion një sistem automatik të menaxhimit, që ju mundëson shfrytëzuesve qasje në informatat lidhur me fondin e librave, rezervimin dhe shfrytëzimin e tyre

§          Biblioteka i përcjell nevojat zhvillimore të shfrytëzuesve gjithashtu Universiteti ka edhe bibliotekën Elektronike

§          Universiteti ka personelin teknik dhe administrativ që siguron mbështetje efikase administrative në punën e Universitetit

Projeksionet zhvillimore

Universiteti ka plane të qarta zhvillimore që brenda afatit prej katër vjetëve të rritë resurset mësimore dhe klinike, nëpërmjet ndërtimit të objekteve të reja, me një sipërfaqe prej 5000 m² hapësirë mësimore të Universitetit dhe 24.000 m2 hapësirë të qendrës klinike, si dhe një sipërfaqe prej 3.5  hektarë të kampusit të Universitetit, me qëllim të plotësimit të objektivave mësimore dhe pasurimit të jetës private të studentëve.

 Procesi i pranimit 

Universiteti i Shkencave Mjekësore “Rezonanca”, në vitin e parë të studimeve, për vitin akademik 2006/2007, do të regjistrojë 150 studentë të rregullt, prej të cilëve:

P.S.:

DREJTIMI I MJEKËSISË SANITARE ËSHTË PARA LICENSIMIT

A mund të paraqitem në konkurs?

Në konkurs mund të aplikoni nëse plotësoni një nga këto kushte:

§         keni diplomuar në ndonjë shkollë të mesme të Kosovës, me programet e të cilës keni dëgjuar katër vite Biologji, Kimi dhe Fizikë;

§         keni diplomuar në ndonjë shkollë të mesme të Kosovës, të profesioneve mjekësore, ose të farmacisë;

§         keni diplomuar në ndonjë shkollë të mesme të shteteve të tjera (duhet të paraqitni certifikatën dhe diplomën për kryerjen e shkollimit 12-vjeçar);

Nëse jeni të graduar në një institucion të shkollimit të lartë, nga lëmenjtë e shkencave mjekësore ose shkencave natyrore (Biologji, Kimi), i plotësoni kushtet për pranim në Universitet.

Njohjen e certifikatave, përkatësisht diplomave të jashtme duhet ta bëni në Ministrinë e Arsimit, Shkencës dhe Teknologjisë.

Procedura e seleksionimit

Seleksionimi do të bëhet nëpër tri faza:

1. Faza e parë: Vlerësimi akademik (vlerësimi i njohurive nga lëndët: Biologji dhe Kimi) - 60 % të pikëve;

 2. Faza e dytë: Vlerësimi i kualiteteve personale joakademike

 a. vlerësimi i shkathtësive komunikuese dhe psiko-motorike - (5% të pikëve);

 b. vlerësimi i qëndrimeve dhe tipareve personale - (5% të pikëve);

 c. vlerësimi i personalitetit - (5 % të pikëve);

 3. Faza e tretë: Intervistimi përfundimtar i kandidatëve - (5% të pikëve).

Suksesi i shkollës së mesme merr pjesë me 20% të pikëve.

Në fazën e dytë të seleksionimit mund të kaloni nëse së paku arrini 20% nga numri maksimal i pikëve në testin e vlerësimit akademik.

1. Detaje lidhur me vlerësimin akademik

Qëllimi kryesor i fazës së parë është vlerësimi i nivelit akademik lidhur me njohuritë nga biologjia dhe kimia, sipas programit të shkollave të mesme.

1. a. Katalogu i njohurive nga Biologjia:

§          Organizimi themelor i qenieve të gjalla

§          Përbërja kimike e qelizës (përbërësit joorganik dhe organikë)

§          Ndërtimi dhe funksioni i membranës qelizore

§          Organelet qelizore (ndërtimi dhe funksioni)

§          Cikli i qelizës

§          Enzimat dhe proenzimat

§          Shkëmbimi i materieve dhe transformimi i energjisë në qeliza

§          Lidhja e kthyeshme negative dhe pozitive

§          Veçoritë funksionale të sistemit nervor

§          Receptorët

§          Qeliza nervore dhe impulsi nervor

§          Efektorët (muskujt tërthoro-vijorë, muskujt e lëmuar dhe muskuli i zemrës)

§          Sinapsa qëndrore

§          Organizimi funksional i sistemit nervor qendror

§          Sistemi nervor vegjetativ

§          Reflekset e kushtëzuara

§          Fiziologjia e organeve të ndjeshmërisë (shqisat)

§          Gjaku dhe limfa

§          Grupet e gjakut dhe transfuzioni

§          Rrugët e frymëmarrjes

§          Organet e tretjes

§          Organet ekskretore

§          Sistemi endokrin dhe humoral

§          Bazat molekulare të trashëgimisë

§          Struktura e ADN-së dhe ARN-së

§          Ndërtimi dhe llojet e ARN-së

§          Gjenet

§          Replikimi i ADN-së

§          Kodi gjenetik

§          Transkriptimi

§          Biosinteza e proteinave

§          Ontogjeneza

§          Rregullat themelore të trashëgimisë

§          Mutacionet e gjeneve dhe faktorët mutagjenë

§          Sëmundjet trashëguese te njeriu

1.b. Katalogu i njohurive nga Kimia:

§          Struktura e atomit

§          Struktura e molekulës

§          Tipet e reaksioneve kimike

§          Tretësirat

§          Tretësirat koloidale

§          Acidi dhe bazat

§          Elementet e sistemit periodik (H, Na, K, Mg, Ca, Al, C, Pb, N, P, O, S, F, Cl, I, He, Cu, Ag, Hg)

§          Alkanet

§          Alkenet

§          Alkinet

§          Alkoolet dhe fenolet

§          Aldehidet dhe ketonet

§          Proteinat

§          Karbohidratet

§          Lipidet

§          Vitaminat

§          Metabolizmi i karbohidrateve

§          Metabolizmi i proteinave

§          Metabolizmi i lipoideve

Afatet e konkursit

Dokumentet mund t’i paraqitni prej 27 qershor deri më 15 korrik 2006.

Vlerësimi akademik (testimi i njohurive) do të bëhet më 18 korrik 2006, prej orës 10:00.

Vlerësimi joakademik dhe intervistimi përfundimtar (individual) i juaji do të bëhet sipas orarit të shpallur në Universitet.

Për paraqitje në konkurs duhet të sjellni:

§         Dëftesat e shkollës së mesme;

§         Diplomën e shkollës së mesme;

§         Fletë-aplikacionin (të cilin e merrni në Universitet).

§         Vendimin nga Ministria e Arsimit, Shkencës dhe Teknologjisë mbi njohjen e dëftesave dhe diplomave të lëshuara jashtë vendit.

Për paraqitje në konkurs duhet të paguani 20 Euro.

Në të gjitha fazat e procedurës së pranimit me vete duhet të keni dokumentin e identifikimit.

Nëse pranoheni në Universitet, për regjistrim duhet të paraqitni:

§         Fletë-aplikacionin për regjistrim (të cilin e  merrni në Universitet);

§         Dy fotografi për indeks (formati 4.5 x 6 cm);

§         Fletëpagesën për semestrin e parë të studimeve.

Me rastin e regjistrimit ju do të nënshkruani Kontratën me Universitetin.

Informata mbi pagesën e shkollimit

*DREJTIMI I MJEKËSISË SANITARE ËSHTË PARA LICENSIMIT

Pagesa për semestër bëhet në fillim të çdo semestri.

Në kuadër të pagesës përfshihet:

§          uniforma

§          vizita e universitetev tjera

§          shfrytëzimi i pajisjeve të Universitetit për plotësimin e punës mësimore shkencore

§          shfrytëzimi i bibliotekës elektronike  dhe sallave të leximit

§          kurse të lëndëve të tjera sipas nevojës dhe marrëveshjes me Universitet

Programet mësimore 

Krahasueshmësia ndërkombëtare e programeve të USHMR

Planprogramet e USHMR janë të bazuara në:

§          rekomandimet dhe standardet e Federatës Botërore për Edukim Mjekësor (WFME),

§          në deklaratën e Komisionit të Komunitetit Evropian lidhur me profilin dhe kompetencat e dentistëve të rinj evropianë,

§          në udhëzimin për studime farmaceutike të Britanisë së Madhe

§          standardeve të tjera evropiane që kanë të bëjnë me shkencat mjekësore.

§          Në tërë Universitetin vlerësimi për studime themelore do të bëhet sipas Sistemit Evropian të Transferit të Kredive (ECTS).

§          Studentëve iu mundësohet bartja e kredive nga universiteti në universitetet tjera brenda dhe jashtë vendit.  

Kohëzgjatja e studimeve

 Karakteristikat e programeve të USHMR

§          Tranzicioni prej ligjëratës së kontekstualizuar klinikisht dhe mësimit të bazuar në praktikë, i pasuruar me disa shkathtësi, mësim të hershëm klinik dhe i bazuar në probleme (PBL) (vitet 1 dhe 2) drejtë mësimit të vetë-drejtuar, të bazuar në hulumtime dhe eksperiencë klinike me orar të plotë (viti 3).

§          Vitet 1 dhe 2 shfrytëzojnë një qasje të integruar, të bazuar në sisteme, i cili kombinon përvojën e hershme klinike dhe një planprogram eksplicit të shkathtësive themelore.

§           

§          Kurset klinike, me orar të plotë, pasojnë në seri të rotacioneve klinike në vitet 3, 4 dhe 5. Këtu theksi bie mbi përvetësimin e njohurive, të kompetencave dhe të qëndrimeve klinike të studentëve.

§          Studentët gjithashtu përgatiten për mësimin e metodologjisë shkencore dhe realizimin e detyrave për dizajnimin e hulumtimeve dhe të analizës.

§          Përveç kësaj, kurset përfshijnë mësimdhënien që ka për synim zhvillimin e aftësive personale dhe profesionale

§          Lëndët zgjedhore kanë si objektiv që studentëve t’iu ofrojnë përvoja të veçanta në ato fusha me të cilat nuk kanë mundur të merren më shumë gjatë kursit themelor klinik, si dhe t’ju mundësojnë të fitojnë njohuri nëpërmes procesit të eksplorimit, mësimit një-me-një, apo në grupe të vogla

§          Si koncept i të gjitha programeve është organizimi i kurseve sipas temave të cilat sigurojnë dhe forcojnë integrimin e shkencave themelore biomjekësore me shkencat klinike e profesionale.

§          Me këtë sigurohet integrimi i plotë horizontal dhe vertikal i kurseve përgjatë programit.

Struktura e programeve mësimore

Për Fakultetin e Mjekësisë kurset janë të grupuara në katër grupe të mëdha:

§          Kurset e shkencave themelore biomjekësore

§          Kurset e bazuara në sisteme

§          Kurset për zhvillim personal dhe profesional

§          Kurset për shkencat e sjelljes dhe të komunikimit

Për Fakultetin e Stomatologjisë kurset janë të grupuara në pesë grupe të mëdha:

§          Kurset e shkencave themelore biomjekësore

§          Kurset e bazuara në sisteme

§          Kurset për zhvillim personal dhe profesional

§          Kurset për shkencat e sjelljes dhe të komunikimit

§          Kurset e shkencave stomatologjike

Për Fakultetin e Farmacisë kurset janë të grupuara në shtatë grupe të mëdha:

§          Kurset e shkencave themelore biomjekësore

§          Kurset për personin dhe të sëmurin

§          Kurset për zhvillim personal dhe profesional

§          Kurset për shkencat e sjelljes dhe të komunikimit

§          Kurset për veprimet e barnave

§          Kurset për substancat farmaceutike

§          Kurset për barin si produkt mjekësor

Për Fakultetin e Fizioterapisë kurset janë të grupuara në katër grupe të mëdha:

§          Kurset e shkencave themelore biomjekësore

§          Kurset për zhvillim personal dhe profesional

§          Kurset për shkencat e sjelljes dhe të komunikimit

§          Kurset e shkencave fizioterapeutike

Për Drejtimin e Mjekësisë Sanitare kurset janë të grupuara në katër grupe të mëdha:

§          Kurset e shkencave themelore biomjekësore

§          Kurset për zhvillim personal dhe profesional

§          Kurset për shkencat e sjelljes dhe të komunikimit

§          Kurset e shkencave të mjekësisë sanitare

 FAKULTETI I MJEKËSISË

                   FAKULTETI I STOMATOLOGJISË

FAKULTETI I FARMACISË